Me sol a seinter la parola “politica” am vin tót i mèl ados. A sun alérgich a la politica, e sol a parlèren am vin in dla véta dal vulâdghi come s'a i'avésa fat indigestioun ed fravli. Oh, ménga che mè am n'intànda, ma a so per esperieinza che quand as perla ed politica a va seimper a finir ch'as litiga, e quand in un lavour, cla bestia lè, la vol màter al sô zampèin, cal lavour ed sicur al va a finir mel. Adesa, infati, che la politica la gh'eintra dapertót as vàd che al cosi al van tóti a l'arvérsa. Ma dato ch'la ghè e, a sàmbra ch'an s'in posa fer a meno, bisègna soporterla e tirer avanti. Mo l'è seimper stèda acsè, saviv?
S'a guardê in dla storia a truvari ch'a gh'è seimper ste di lavour come adesa, o anch péz.
Guarde, per eseimpi, Nerone; l'era un mat ch'as divertiva a suner la lira mienter ch'al guardeva Ràma ch'la bruseva; e adesa? Tòt i Italian is diverten a guarder la lira ach brusa. Dola e mandola l'è seimper cla fola! E Caligola? Al srà bein ste péz ed politicant modéren! Figurèv ch'l'à fin fat senator al so caval! Invece adèsa al Senato an gh'è gnanch un caval, a val zur! Gnanch a Montecitorio: gnanch un caval!! Ah sé, al dégh perchè me an gh'ò gninta countra i politocant, i fan al so mestér e i ein geint a post... e igh stan! I fan anch di bê sacrifézi, pensê sol
come i ein ridot: camera e gabinetto, e basta.
In gh'ân gnanch la cuseina, ma per magnèr is rangen!
A proposit ed magnèr am vin in meint cal ragazol che a la dutrèina i ghe dmandén: “Dove è nato gesù Cristo?”.
E ló, prount: “A Montecitorio”.
“No, bestia, è nato in una mangiatoia!”
E ló: “Beh!?! An l'ée l'istàss!'”.
Seimper a proposit ed magner i n'in còunten ed quili!Per eseimpi quàla dal cuntadein ch'al gh'iva un caval muribànd perché as rifiuteva ed magner qualunque cosa.

Al veterinari, desprê, dop averli pruvèdi tóti, al cunsiglia al cuntadein ed manderel a Ràma a la Cambra, al dis: “Là i magnen tót, et vedrê che quand al vad al boun eseimpi as màt a magner anca ló”. Al countadein al próva anch st'esperimèint; dap 'na stmana al torna, avilî come un quai, dal veterinari: ”Dutór sâl cs'è sucès? Làlor i m'àn magnê anch al caval!”. Mo i èin cosi ch'is còunten acsè, per rédere per an pensèr che al tasi a i pagàm nueter.
Sé, se al cosi el van mel la colpa l'an n'è ménga sol sua, l'è anche nostra. Quand a suced quêl ed gros, come al colera o quelch eter disaster nazionel, a la sira as preseinta a la televosioun un quelch minéster e al dis, tót séri, guardand nuèter in di ôc: “Signori, qui bisogna fare le riforme!” In c'agli ucasiun lè, me am verghègn come un can, alora a capés chi duviva fer al riformi: mè! Mè, che invece ed ster a ciacarer e criticher a duviva fer tóti al riformi necessari per drizer la baraca! Mè a i duviva fer! E lor?
C'sa duvivni fer? Ma mè ed politica
an gh'ò mai capî gninta e mai agh capirò.
A m'arcord che 'na volta, da ragazól, quand a i-éren a tevla a dmandé a me pèder: “Papà, cus'éla la politica?”.
Ló am guardè e po' am gè: “Magna e tès”. Da alora an n'ò pió dmandê spiegaziòun a nisun. E anch adesa a cuntìnev a viver in dl'ignoranza e a dégh st'al cosi perché, i m'àn dét che in democrazia, as pol dir tót quàl ch'as vol. In democrazia as pol dir... mo i fat i fan lor;
e i fan qual ch'agh pèr!

A me solo a sentire la parola “politica” vengono tutti i mali addosso. Sono allergico alla politica, e solo a parlarne mi vengono sulla pelle delle macchie come se avessi fatto indigestione di fragole. Oh, mica che me ne intenda, ma so, per esperienza, che quando si parla di politica, va sempre a finire che si litiga, e quando in un lavoro, quella bestia lì, ci vuole mettere il suo zampino, quel lavoro, di sicuro, va a finire male. Adesso, infatti, che la politica entra dappertutto, si vede che le cose vanno tutte a rovescio. Ma dato che c'é e, sembra che non se ne possa fare a meno, bisogna sopportarla e tirare avanti. Ora, è sempre stata così, sapete?
Se guardate nella storia troverete che ci sono sempre stati delle situazioni come adesso e anche peggio.
Guardate, per esempio, Nerone; era un matto che si divertiva a suonare la lira mentre guardava Roma che bruciava; e adesso? tutti gli italiani si divertono a guardare la lira che brucia. "Gira e rigira" è sempre quella fola. E Caligola? Sarà ben stato un pezzo di politicante moderno! Figuratevi che ha perfino fatto senatore il suo cavallo! Invece adesso al Senato non c'é neanche un cavallo, ve lo giuro! Neanche a Montecitorio; neanche un cavallo!! Ah sì, lo dico perché io non ho nulla contro i politicanti, fanno il loro mestiere e sono gente a posto, loro sono a posto... e ci stanno! Fanno anche dei bei sacrifici, pensate solo come sono ridotti: camera e gabinetto, e basta. Non hanno neppure la cucina, ma per mangiare si arrangiano!
A proposito di mangiare, mi viene in mente quel ragazzo che al catechismo gli chiesero. “Dov'è nato Gesù Cristo?”. E lui pronto: “A Montecitorio”. “No bestia, è nato in una mangiatoia!”. E lui:”Bhe!?!, Non è lo stesso!”.
Sempre a proposito di mangiare ne raccontano di quelle!... Per esempio quella del contadino che aveva un cavallo moribondo perché si rifiutava di mangiare qualsiasi cosa.
Il veterinario, disperato, dopo averle provate tutte, consiglia al contadino di mandarlo a Roma alla Camera, gli dice: “Là mangiano tutti, vedrai che quando vede il buon esempio si mette a mangiare anche lui”. Il contadino prova anche questo esperimento; dopo una settimana torna avvilito come una quaglia dal veterinario: “Dottore sa cos'é successo? Quelli là mi hanno mangiato anche il cavallo!”. Ora, sono cose che si raccontano così, per ridere, e per non pensare che le tasse le paghiamo noi. Se le cose vanno male la colpa non è solo sua, è anche nostra. Quando succede qualcosa di grosso, come il colera o qualche disastro nazionale, la sera si presenta in televisione un qualche ministro e dice, tutto serio, guardandoci negli occhi: “Signori, qui bisogna fare le riforme!”. In quelle occasioni io mi vergogno come un cane, allora capisco chi doveva fare le riforme: io! Io,che invece di stare a chiacchierare e criticare dovevo fare tutte le riforme necessarie per raddrizzare la baracca! Io le dovevo fare! E loro? Cosa dovevano fare? Io di politica non ci ho mai capito niente e mai ci capirò,
Mi ricordo che una volta, da ragazzo, quando eravamo a tavola, domandai a mio padre: “Papà cos'è la politica?”.
Lui mi guardò e poi mi disse: ”Mangia e taci”. Da allora non ho più chiesto spiegazioni a nessuno. E anche adesso continuo a vivere nell'ignoranza e dico queste cose perché, mi hanno detto che in democrazia si può dire tutto quello che si vuole. In democrazia si può dire... ma i fatti li fanno loro; e fanno quello che vogliono!